Revd. Chuauṭhuama hi kum 1947 khan Bukpui khuaah a piang a, a pa chu Upa Tawna a ni. A pianni hi an chhinchhiah lo va, amahin April ni khata piang angin a inziak.
An khuaa primary leh middle sikul a zawh hnuah, kum 1963-ah Mizo High School, Aizawlah a kal zawm a. Zoram buai avânga zir chhunzawm thei lo vin, kum 1972-ah matric a pass chauh. Pachhunga Memorial College (Evening shift) aṭangin kum 1976-ah BA (distinction) a pass a, NEHU-ah pahnihna a ni. Kum 1987-ah United Theological College, Bangalore aṭangin BD first class-ah a pass leh a; UTC-a academic prize zawng zawng a dawng deuh vek a, first prize 13 leh second prize 2 a la a ni.
Kum 1988-1990 chhung Cambridge University, Britain-ah M.Phil (Old Testament & Hebrew) a zir a. Chumi a zawh hnu chuan Jerusalem-a St. George’s College-ah ‘The Bible and Its Setting’ course a zo leh a. Kum 1998 khan Netherland-ah ‘Reading the Bible from the Jewish Perspective’ course zir turin a kal leh a ni.
Kum 1994 January thla aṭangin Aizawl Theological College-ah zirtir hna a thawk ṭan a; chutih hun laia Old Testament zirtir thei awm chhun a ni. ATC-a a thawh chhung hian Editor, Didakhe (2002-2007) leh Manager, Mizo Theological Literature Committee (2002-2007) mawhphurhna a chelh a ni.
Synod hnuaiah kum 17 a thawk a. Nihna leh dinhmun pawimawh a chelhte chu:
1. Pro
Pastor, LungleiBial (1991-1993)
2. Lecturer,
Aizawl Theological College (1994-2001)
3. Registrar,
Aizawl Theological College (2002-2007)
4. Synod
Secretary Jr. (2000)
5. Synod
Secretary Sr. (2001)
6. Synod
Literature & Publication Board (1998-2000)
7. Mizo
Sunday School Union (2001-2003)
8. Presbyterian
Publication Board (2004-2006)
9. Research
& Evaluation Wing (2004-2006, 2019-2021)
10. Synod
Worship Committee (2007-2015)
11. PCI
General Assembly Executive Committee (2001-2009)
12. Christian
Home Committee (2001-2002)
13. Synod
Social Front (2010-2012)
14. Synod
Pastoral Committee (2013-2015, 2016-2018)
15. Synod
Pension & Provident Fund Board (2013-2018)
16. MTC
Governing Committee (2019-2021)
17. Synod
Executive Committee (2019 - a thih thleng)
Kum 2008 January ni khatah a pension a. Education Reforms Commission member-a ruat a ni a. Kum 2010-a Higher & Technical Education Entrance Examination result buai ching fel tur a sawrkarin mi rintlak a thlan chhuah mi pali zingah telh a ni a. ATC-a M.Th (Old Testament) hawn a nihin, kum 2011-2015 khân a thawk leh bawk.
Synod aṭanga a pension hnu hian rawngbawlnaah a inhmang chhunzawm zel a. Bible Society tân pawh a ṭangkai hle a. North East India Translation Advisory Committee-ah member a ni reng ṭhin a. A hun tâwp thlengin Aizawl Auxiliary member a ni. BSI Aizawl Auxiliary hnuaiah Chief Translator, Mizo ṭawnga Bible lehlin ṭhat mekah a hotupa ber a ni.
Mipuiin an hmelhriatna ber chu a lehkhabu chhuah leh chanchinbu hrang hranga a thuziak aṭangin a ni âwm e. Huai taka thu a sawi a, a ziah ṭhin avangin ngaisângtu tam tak a neih rualin, hmumawhtu pawh a neih phah tho va. A lehkhabu pakhat phei chu an hal hial a ni. Mi tam tak chuan Kohhran humhimtu mi ropuiah an ngai a. Na taka zu a do ṭhin avangin mi hriat a hlawhphah hle bawk. Article leh thutesep a ziah hi engzat chiah nge hriat a ni mai lo va. Ama pualin lehkhabu 59 vêl a ziak tawh a, mi dangte nena thawk dunin lehkhabu 17 an tichhuak tawh bawk.
A lehkhabu chhuahte:
1. Mizo
leh Israel (1993/2002)
2. Ram
Thianghlim Kal |heuh |heuh (1994)
3. Mi
Biru Entawn Tlakte - I (1995)
4. Mi
Biru Entawn Tlakte - II (1995)
5. Pathian
Thu Zir Hlawkna (1995)
6. Zu
Hi Thil A Ni (1995)
7. Bethlehem
Lam I Thlir Ang (1996)
8. Bible-a
Chhungkaw Entawn Tlakte (1996)
9. Joba
Hrilhfiahna (Gospel Centenary Commentary Series, 1996)
10. Anni
Leh Kei (1996)
11. Chawhchawrawi
(1996)
12. Bible
Code Chhuina (1998)
13. Bible
Zir Dan (SMTC Text Book, 1998/2002)
14. Isua
Tuallenna Ram (1999/2001)
15. Isua
Thlan Ka Teh Ta (2002)
16. 2002
Nilai le hBeihrual Thupui (2001/2002)
17. Bible
Hriat Zauna (2002/2005)
18. Roreltute
leh Ruthi Hrilhfiahna (MSU Puitling Sunday School Zirlai 2002)
19. Kalvari
Tlang I Thlir Ang (2002/2011)
20. Ka
Kal Zel Dawn (2003)
21. Bethlehem
Tlang I Thlir Ang (2003/2009)
22. Beginner
Zirlai Bu Khatna (2003)
23. Witness
of Israel to Liberation (BD,BCS Text Book, English, 2004)
24. Introducing
the Psalter (English, 2004)
25. Kristian
Nun (2004)
26. Beginner
Zirlai Bu Hnihna (2004)
27. Israel-te
Chanchin Tlangpui (SMTC Text Book, 2005)
28. Ṭhalaite
Mamawh - Isua Krista (2005)
29. Isua
Pantute (2005)
30. Tunlai
Juda-te Nunphung (2005)
31. Mizo
Bible Encyclopedia (2005)
32. Bible-a
Hming Awmzia (2005/2007/2009)
33 Ka
Zirna Ram (2006)
34. Chinbawr
(2006)
35. Bible
Study Kalpui Dan leh Zawlnei Hagaia (2006)
36. Burma
Ram Zin Thu (2007)
37. Kraws
Chhuanawm (2007/2009)
38. Bible
Thu Mal Hrilhfiahna (2008)
39. Kal
Hmasate Hlutna (2009)
40. Kum
Sawmhnih Sulhnu (2009)
41. Israel-te
Chanchin (PBS Text Book, 2010)
42. Zo Ṭawng Bible Dictionary (2010/2011/2013)
43. Kum
Ruk Sulhnu (2010)
44. Dr.
Luka’n a Tisual Thei Ang Em? (2010)
45. Bible
Knowledge (2011)
46. Bible
Hmunhma (2011)
47. Rev.
Zairema Biblical Commentary, Sam 42 - 73 (2012)
48. Rev.
Zairema Biblical Commentary, Sam 73-100 (2013)
49. Norma
Lalpekhlui Nghilh Loh Nan (Booklet, 2013)
50. Roreltute
leh Ruthi (Centenary Commentary 2014)
51. Paula
Lung In Tan Lehkhathawn (2013)
52. Bible,
Zu leh Mizote (2014)
53. Bethlehema
Nau Lo Piang Chu (2014)
54. Aw
Tlang Mawi Kalvari (2014)
55. Ram
Thianghlim Kal Puitu (2015)
56. Heti
Hian Ka Ngaihtuah (Revd. Chuauṭhuama Huang 2013, 2014, 2015)
57. A
Taka Kristianna (2015)
58. Revd.
Chuauṭhuama Huang (2015)
59. Bawih Ṭhahnem Lo: Kum 17 + Sulhnu (2024) à a thih hnua chhuah
Mi dang nena lehkhabu an tihchhuah:
1. Sermon
Buatsaih Dan (Rev. H. Zalawma nen, 1999)
2. Tute
Nge Mizo (B. Lalthangliana nen, 2002)
3. Synod
Worship Seminar Paper (Rev. C. Rosiama nen, 2012)
Mi lehkhabu a endikpui:
1. Beram Vengtu
(Aizawl Hmar Presbytery, 1997)
2. RL
Kamlala KutChhuak (2006)
3. Dictionary
of Theological Terms (2007)
4. Presbyterian
Kohhran, by Rev. Saiaithanga (2009)
5. Pi
Pute Biak Hi, by Rev. Zairema (2009)
6. I
Ni Min Pek Hi, by Rev. Zairema (2009)
7. Thukhawchang
Mi Pekte Hi, by Rev. Zairema (2009)
8. Random
Notes, by Rev. Zairema (2009)
9. Isua
Rilru, by Rev. Zairema 2009)
10. Lehkhabu
Tê Pasarih, by Rev. Zairema (2009)
11. Ṭhian
Lehkhathawn, by Rev. Zairema (2009)
12. Exodus
Politics, by Lalhmingthanga (2009)
13. Seventeenth December (2010)
Kum 2007 khân ZONET Cable TV chuan ‘Zonet Award’ a pe a. Mizo Writers Association chuan kum 2014 khân ‘Literary Award’ a hlan bawk. Thuziak lama a hnathawh avângte, Kohhran tana a thawhhlawk em avângtein, Serampore College chuan kum 2021 khan Doctor of Divinity (honoris causa) an pe bawk a ni.
Kohhran pâwn lama nihna pawimawh a
chelh dangte:
1. Asst.
Secretary, MZP Headquarters, Aizawl (1971- 1972)
2. Gen.
Secretary, MZP Headquarters, Aizawl (1972 - 1974)
3. Asst.
Convener, All Mizo Students Federation (1972 - 1973)
4. President,
All Mizo Students Federation (1973 - 1974)
5. President,
Aizawl High School Student Union (1972)
6. Secretary,
Chapchar Kut Committee (1972 - 1973)
7. Treasurer,
Carey Society, United Theological College (1986 - 1987)
8. Education
Reform Commission, Mizoram (2009 - 2010)
9. Mizo
Language Committee (2010 - )
10. Member,
Appeal Committee, MBSE (2010, 2013, 2014)
11. Member,
Pachhunga University College Development Committee (2013 - )
12. Columnist,
Vanglaini
13. Executive
Council Member, Mizo Academy of Letters (2020 - a thih thleng)
14. Jt.
Editor, Thu leh Hla (2020 - 2021)
15. Editor, Thu leh Hla (2022 - a thih thleng)
Pu Chuauṭhuama hi January ni 4, 2024 khan a boral a. Amah ngaisangtu leh a thuziak ngainatuten January ni 16-ah ‘Revd Dr Chuauṭhuama Memorial Committee’ an din a. He pawl hian a pualin ‘Lalpa Chiahhlawh Revd Dr Chuauṭhuama: Miten Tu Nge A Ni An Tih?’ (2024) leh a dam laia a chhuah hman tak loh ‘Bawih Ṭhahnem Lo: Kum 17 + Sulhnu’ (2024) an chhuah a ni.
0 Comments