Kum 1964-a din Mizo Academy of Letters chuan Mizo tawng lehkhabuin hma a sawn theih nan leh MAL thil tum tihhlawhtlin nan kum 1989 atang khan, kum tin Book of the Year a thlang tan a. Kum 1989 atanga kum 2022 inkar chhung hian Book of the Year hi vawi 34 hlan tawh niin, mi pangain he lawmman hlu tak hi vawi hnih theuh an dawng tawh bawk a ni. [Appendix en la]
MAL Executive Council-in kum tin Book of the Year Committee a din a. Committee hi EC member leh MAL member EC-a tel lo te ruat thin a ni. Book of the Year 2022 Committee atana ruatte chu heng a hnuaia mite hi an ni:
MAL hian Book of the Year thlan dan tur chungchangah inkaihhruaina fel tak leh tehfung (criteria) duan sa a nei a. Tehfung a siam te chu:
- Originality leh Creativity emaw Critical analysis – point 40
- Language – point 25
- Philosophical value – point 25
- General impression – point 10
Heng hmang hian lehkhabu hrang hrang hawi zawng inang lo tak tak te chik tak leh uluk taka thlira zir chian a ni. Dan Bu-in lehkhabu thlan theih loh tih a nei a, chungte chu: tawng dang atanga lehlin, tawng danga ziak lehkhabu, chhut nawn (reprint), cyclostyle-a her chhuah leh mi hrang hrang kutchhuak lak khawm (compiled) te an ni. Lehkhabu thlan turte chu Mizo tawnga ziah khawla chhut, lehkhabu phek 50 aia tlem lo atanga thlan tur a ni.
BoY 2022 Committee hian kum 2022 chhunga lehkhabu chhuak kan hmuh theih leh kan hriat theih chin chu bu 203 a ni. Heng zinga bu 48 hi MAL office-a pek khawm (donated) a ni. Lehkhabu thar la khawm leh list siam tur hian Aizawla lehkhabu dawr leh press hrang hrang tlawh a ni a, ram pawn lam thlenga Zotawnga lehkhabu chhuak ngaihven a ni.
Lehkhabu list chhuah zinga a tam ber, hmun hniha thena hmun khat aia tam hi Christian literature (Bible leh Kohhran chanchin, rawngbawlna lam hawi, Pathian thu leh sermon) a ni. Hetiang lam hawi bakah hian science, mathematics, engineering, history, politics, culture leh Hindi lam ziahna hmuh tur a awm a. Lehkhabu khawn khawm zinga bu 5 hi Myanmar rama chhut leh chhuah a ni a, Tripura lam chhuak bu 2 a awm bawk. Covid kaihhnawih bu 4, drama bu 6, poetry (sak leh chham chi) bu 19 bakah novel, short story, criticism, essay, mahni chanchin leh mimal tawnhriat ziahna te, nunkawng dik inkawhmuhna leh tawng chungchang ziahna bu eng emaw zat a awm tel bawk.
BoY 2022 Committee hi December ni 13, 2022 khan a vawi khat nan meeting neih a ni. Lehkhabu chhiar tur bik thlang chhuakin, member ten chan kan insem a. Chhiar zawh hmasak apiang MAL office-ah dahin, lehkhabu inbanlehtir a ni a; he ruahmanna hi kan chhawr tangkai hle. BoY Committee thut khawm hi a vaiin vawi nga neih a ni. A tira lehkhabu 36 kan sawr zim atangin thlifim lehlin, Top 20 tur hi Executive Council-ah chhawp chhuah a ni. Heng a hnuaia mite hi Book of the Year 2022 Top 20 atan pawm a ni:
MAL hian Book of the Year thlan dan tur chungchangah inkaihhruaina fel tak leh tehfung (criteria) duan sa a nei a. Tehfung a siam te chu:
- Originality leh Creativity emaw Critical analysis – point 40
- Language – point 25
- Philosophical value – point 25
- General impression – point 10
Heng hmang hian lehkhabu hrang hrang hawi zawng inang lo tak tak te chik tak leh uluk taka thlira zir chian a ni. Dan Bu-in lehkhabu thlan theih loh tih a nei a, chungte chu: tawng dang atanga lehlin, tawng danga ziak lehkhabu, chhut nawn (reprint), cyclostyle-a her chhuah leh mi hrang hrang kutchhuak lak khawm (compiled) te an ni. Lehkhabu thlan turte chu Mizo tawnga ziah khawla chhut, lehkhabu phek 50 aia tlem lo atanga thlan tur a ni.
BoY 2022 Committee hian kum 2022 chhunga lehkhabu chhuak kan hmuh theih leh kan hriat theih chin chu bu 203 a ni. Heng zinga bu 48 hi MAL office-a pek khawm (donated) a ni. Lehkhabu thar la khawm leh list siam tur hian Aizawla lehkhabu dawr leh press hrang hrang tlawh a ni a, ram pawn lam thlenga Zotawnga lehkhabu chhuak ngaihven a ni.
Lehkhabu list chhuah zinga a tam ber, hmun hniha thena hmun khat aia tam hi Christian literature (Bible leh Kohhran chanchin, rawngbawlna lam hawi, Pathian thu leh sermon) a ni. Hetiang lam hawi bakah hian science, mathematics, engineering, history, politics, culture leh Hindi lam ziahna hmuh tur a awm a. Lehkhabu khawn khawm zinga bu 5 hi Myanmar rama chhut leh chhuah a ni a, Tripura lam chhuak bu 2 a awm bawk. Covid kaihhnawih bu 4, drama bu 6, poetry (sak leh chham chi) bu 19 bakah novel, short story, criticism, essay, mahni chanchin leh mimal tawnhriat ziahna te, nunkawng dik inkawhmuhna leh tawng chungchang ziahna bu eng emaw zat a awm tel bawk.
BoY 2022 Committee hi December ni 13, 2022 khan a vawi khat nan meeting neih a ni. Lehkhabu chhiar tur bik thlang chhuakin, member ten chan kan insem a. Chhiar zawh hmasak apiang MAL office-ah dahin, lehkhabu inbanlehtir a ni a; he ruahmanna hi kan chhawr tangkai hle. BoY Committee thut khawm hi a vaiin vawi nga neih a ni. A tira lehkhabu 36 kan sawr zim atangin thlifim lehlin, Top 20 tur hi Executive Council-ah chhawp chhuah a ni. Heng a hnuaia mite hi Book of the Year 2022 Top 20 atan pawm a ni:
| Sl. No | Lehkhabu hming | Lehkhabu ziaktu |
| 1 | Daidanna Bang Phena Thuruk | Zohmangaihi |
| 2 | Dan Thulkhung Sawm 40 (40 Legal Brief) | C. Lalfakzuala |
| 3 | Fangfar | Rohmingthanga Ralte |
| 4 | Fardawn | Zirtei Mangpa |
| 5 | Hripui Neitu Pathian | K. Laltlankima |
| 6 | I Ti Thei | PC Lalremruati |
| 7 | Ka Lo Kir Leh Ta E | Zosangzuala |
| 8 | Ka Tawn Hriat (Bu Hnihna) | Dr. Thangchungnunga |
| 9 | Khauchher Khawhar | Mapuia Hrahsel |
| 10 | Khuarei | Sanga Ralte |
| 11 | Kristian Polemics | PC Lalropuia |
| 12 | Lailen | Sangzuala Pachuau |
| 13 | Lianchhiari | B. Lalhriattira |
| 14 | Mizo Tawng (Tobul, dinhmun leh hmasawn dan) | H. Laldinmawia |
| 15 | Ni leh Thla Kara Leng | Malsawmliana |
| 16 | Rokunga Tehkhinthu Thiam | Darchuailova Renthlei |
| 17 | Sikpui leh Sulhnu | Lalhruaitluanga Chawngte |
| 18 | Thuruk & Thuhruk | Julie L. Ralte |
| 19 | Zochhingpuii | Lalhmachhuana Zofa |
| 20 | Zofate U, Finna Zawng Ula | F. Vanlalrochana |
Book of the Year 2022 Top 10 chu Executive Council-ah chhawp chhuah leh niin, heng a hnuaia mite hi thlan an ni:
| Sl. No. | Lehkhabu Hming | Lehkhabu Ziaktu |
| 1 | Daidanna Bang Phena Thuruk | Zohmangaihi |
| 2 | Fangfar | Rohmingthanga Ralte |
| 3 | Hripui Neitu Pathian | K. Laltlankima |
| 4 | I Ti Thei | PC Lalremruati |
| 5 | Khuarei | Sanga Ralte |
| 6 | Kristian Polemics | PC Lalropuia |
| 7 | Ni leh Thla Kara Leng | Malsawmliana |
| 8 | Sikpui leh Sulhnu | Lalhruaitluanga Chawngte |
| 9 | Thuruk & Thuhruk | Julie L. Ralte |
| 10 | Zofate U, Finna Zawng Ula | F. Vanlalrochana |
Book of the Year 2022 Top 10 thlan fel a nih hnuah Executive Council hmaah Top 3 tur chhawp chhuah leh a ni a, heng a hnuai lehkhabu pathum te hi thlan an ni:
| Sl. No. | Lehkhabu Hming | Lehkhabu Ziaktu |
| 1 | Daidanna Bang Phena Thuruk | Zohmangaihi |
| 2 | Kristian Polemics | PC Lalropuia |
| 3 | Zofate U, Finna Zawng Ula | F. Vanlalrochana |
Hemi hnu hian BoY 2022 Committee in Book of the Year atana a rawt chu Executive Council-in ngun taka ngaihtuahin, uluk taka sawiho a nih hnuah Zohmangaihi ziah, Daidanna Bang Phena Thuruk chu thlan a ni ta a ni.
Book of the Year 2022 dawngtu, Daidanna Bang Phena Thuruk lehkhabu ziaktu hnenah hetiang hian citation hlan a ni:
“Zohmangaihi hian, Palestina leh Israel chanchin a zir bingna behchhanin he lehkhabu hi a ziak a. Rinna leh sakhuana kawngah thlarau nun chawm a, tihausa thei tur te; Pathian thu leh khawvel thil pawh chik zawka ngaihtuah leh zir chian thin a pawimawhzia te a kawhhmuh a; Pathian thu pawm dan leh rin dan bakah, hrilhfiah kawngah pawh rilru thar min puttir thei hial turin a ziak a. Chuvangin, Mizo Academy of Letters chuan kum 2022 chhunga Mizo irawm chhuak lehkhabu zinga a tha ber, Book of the Year atan a thlang a ni.”
A tawp berah chuan, MAL Executive Council member-te chungah lawmthu kan sawi a, kan lehkhabu chhawp chhuahte uluk taka min lo zirpui avangin. Lehkhabu lak khawm kawnga phur taka min puitu, a bik takin Synod Book Room Manager Pu Lalniliana leh Lengchhawn Press neitu Pu VL Zaikima te chungah lawmthu kan sawi tel bawk. BoY 2022 Committee member-te inkarah thawhhona boruak a tha a, kan inlungrual a, thil tihho a nuam hle. Kan Chairman Prof. Rualkuma Colney-in thatho tak leh hneh takin min uap a, amah leh member dangte chungah lawmthu ka sawi e.
(Hei hi Dr. C. Lalawmpuia Vanchiau, Secretary, Book of the Year 2022 Committee-in April ni 26, 2023-a MAL Foundation Day-a a report a ni).
0 Comments