MAL Diamond Jubilee Pual Pho Chhuah Runpui Report

 25^th November, 2024 (Thawhtanni) – 29^th November, 2024 (Zirtawpni)

Report petu : H. Lalawmpuia, Secretary, Pho Chhuah Committee

MAL Diamond Jubilee puala ‘Pho Chhuah Rùnpui’ hi Thawhtanni (November 25, 2024) zîng dâr 9 atanga lehkhabu dah luh theih tura ruahman a ni a, chawhma chhûng zawng chu inrem fel nân leh inbuatsaih nâna hman a ni.

Chhun dâr 12-ah a hawnna hun tawi tê buatsaih a ni a, he hun hi MAL President Prof. R.L. Thanmawia chuan a kaihruai. H. Lalawmpuia, ‘Pho Chhuah Rùnpui’ Secretary chuan lehkhabu pho chhuah dan report pein,  Prof. Laltluangliana Khiangte chuan a hawnna hun a hmang a; lehkhabu zawrh zui nghal a ni.

He ‘Pho Chhuah Rùnpui’-ah hian lehkhabu pho chhuak tura a bîk taka sàwm, anmahni puala dawhkan hran nei 12 bâkah, a hranpaa thutpui hman lo leh zawrhsaktu nei lo, MAL ‘Pho Chhuah Committee’ lamin dawhkan a hûnsaka rawn zuar mi 35 an awm a, hêng mi 35-te lehkhabu 115 vel hi MAL Diamond Jubilee puala ‘Pho Chhuah Committee’ te chuan a thlâwn veka zawrhsakin, lehkhabu eng emaw zat a hralhsak a ni.

‘Pho Chhuah Committee’ lamin an zawrhsak ni lo, anmahni puala dawhkan hran nei chu a hnuaia mite hi an ni a, anni pawh hian lehkhabu thahnem tak an pho chhuak hlawm a ni –

1. Mizoram Publication Board
2. OM Books
3. Gilzom Offset Press
4. LTL Publications
5. Fraser Media & Publications
6. MCL Publications
7. Lengchhawn Press
8. B. Lalthangliana
9. The Book Owl
10. Lehkhabuk @ Lalrammawia Ngente
11. Lalzuia Colney @Tharbawihi Colney
12. Lalrinzuala Pachuau

A hawn ni November 25, 2024 (Thawhtanni) atanga a khâr ni November 29, 2024 (Zirtawpni) thlenga lehkhabu hralh chhuah dan report kan dawn chu hetiang hi a ni:

•  Lehkhabu hralh chhuah zawng zawng – Bu 2975
•  Lehkhabu man dawn zawng zawng – Rs. 558,665

(Lehkhabu zuartu thenkhatin an hralh dan an lo ziak fel lo deuh a, data hi dik chiah lo leh felhlel deuh a awm chu a rinawm a, a tlângpui chuan a dik thawkhat tura ngaih a ni.)

A pumpuia lehkhabu hralh kal/ hralh hnem zualte (Top 10):

1. Ngaihnawm Tâwpthang – Benjamin Biaknunzira

2. Anita – C. Laizawna

3. Mizo Chanchin – Rev. Liangkhaia

4. Raltiang Rimawi – Lalhruaitluanga Chawngte

5. Lungrualna Tlang – Zikpuii Pa

6. Ruamrai Thuruk – C. Lalnunchanga

7. Nunna Kawngthuam Puiah – Zikpuii Pa

8. Lalnunmawia Diary

9. Keimah Unionliana – Lalhmingliana Saiawi

9. Ka Hringnun Lehkhaphek – Lalfak Zuala

10. Mizo Awm Dan Hlui – Rev. Liangkhaia

……………………………………

MAL ‘Pho Chhuah Committee’ dawhkan bîka lehkhabu hralh dan report tlângpui chu hetiang hi a ni bawk:

Thawhtanni – Lehkhabu hralh zat: 98 – A man hmuh zat: Rs. 21455

Thawhlehni – Lehkhabu hralh zat: 121 – A man hmuh zat: Rs. 23690

Nilaini – Lehkhabu hralh zat: 115 – A man hmuh zat: Rs. 20135

Ningani – Lehkhabu hralh zat: 116 – A man hmuh zat: Rs. 22415

Zirtawpni – Lehkhabu hralh zat: 202 – A man hmuh zat: Rs. 35745

Lehkhabu hralh chhuah zawng zawng – Bu 652

Lehkhabu man dawn zawng zawng – Rs. 123,440

‘Pho Chhuah Committee’ dawhkan bîka lehkhabu hralh kal zualte (Top 10):

1. Anita – C. Laizawna

2. Ruamrai Thuruk – C. Lalnunchanga

3. Ka phal lo – C. Laizawna

4. Mizo Hnam Pasalthate – PUC

4. Zuiliana Thubuai – Samson Thanruma

5. Zikpuii Pa Ram Hmangaihna – HBC

6. Hmangaihzuali – C. Laizawna

6. Thlirtu Khawthlir – Rsa Thawmte

7. Kan Ti Thei – Chhuana Fanchun

7. Zotawng Hman Dan Dik – Rozama Chawngthu

7. The Constitution of India – C. Lalsawmliana

8. Tualchher Criticism – C. Lalawmpuia Vanchiau

8. Parteii – C. Lalnunchanga

8. Ka Mi Huaisen leh Ka Pasaltha – C. Lalnunchanga

9. Paris Lamtluang – Lalhmingmawia Ralte

9. Mizo Ecocritical Studies – PUC

9. Mizo Rochun Thu leh Hla – PUC

10. Fair Tales – C. Laizawna

10. Pastor Chhawna – C. Laizawna

10. Literature Kawngpui – KC. Vannghaka

He MAL Diamond Jubilee pual ‘Pho Chhuah Rùnpui’ a hlawhtlin theih nâna thawktu zawng zawng, lehkhabu zuartute leh min dâwrtu zawng zawngte chungah lâwmthu kan sawi tak meuh a ni.

Secretary MAL Pho Chhuah Committee 2024