MAL kum 60 tlin lawmna kal zelah November 28, 2024 (Ningani) zanah Biakhmuhtheihna hmangin weminar neih a ni a, Pu Lalrammawia Ngente, EC Member, Mizoram; Dr. Krista Roluahpuia, Asst. Professor, IIT, Gandhinagar leh Pu VLC Vanlalhriatrenga, Ph.D Research Scholar in Marriage & Family Therapy, Washington DC, USA ten thupui an sawi.
Dr. Laltleipuii kaihhruaiah hian Pu Lalrammawia Ngente chuan “Mizo Thu leh Hla Dinhmun leh Hmathlir” hmangin thupui a sawi a, hemi hnuah Dr. Krista Roluahpuia pawhin “Mizo Thu leh Hla Hmasawn Zel Dan Tur” tih thupui hmanga sawi lehin Pu VLC Vanlalhriatrenga chuan, “Thu leh Hlaa Tui Lo Thei Lo Tura A Tona Leilung Buatsaihna Rahbite” tih thupui hmangin a sawi ve leh bawk a; thupui sawituten an sawi zawhah zawhna leh chhanna hun hman a ni.
He international webinar hi zoom kaltlanga neih a ni a, member 80 chuangin an chhim. Webinar hi MAL Diamond Jubilee lawmna atana committee peng pakhat, Chhuahtu leh Tlangau Sub-Committee huaihawta neih a ni a, committee peng hian MAL President Prof. RL Thanmawia In, Ramhlun South atangin he webinar hi an buaipui a ni.
0 Comments