AIZAWL; the 29th November, 2024: Vawiin chawhma dar 10:30 khan Mizo Academy of Letters (MAL) kum 60 tlin (Diamond Jubilee) lawmna inkhawm Pi Zaii Hall, Synod Conference Centre-ah nei a ni a. Art & Culture Minister Pu C.Lalsawivunga chuan khuallian niin Jubilee lawmna inkhawm hun a hmanpui.
Jubilee lawmna inkhawmah hian thu sawiin, khuallian Pu Lalsawivunga chuan MAL hi Mizo thu leh hla tihhmasawnna kawnga thawhhlawk em em a ni a. Vawiina Diamond Jubilee hial kan lo lawm thei hi ropui ka tiin, Mizo tawng leh Literature tana kan missionary te lo thawhhlawkzia te a tharin min hriat chhuahtir a. Kan mi thiam leh ram hruaitu hmasaten Mizo tawng humhalh leh tihhmasawn nana rilru an lo sen nasatzia hi MAL an lo din a, kum 60 hmel hian kan lo hmu thei mai hian a tar langin ka hria a. Vawiinah hian kan missionary te, kan mi thiamte leh ram hruaitu hmasate hnenah Diamond Jubilee pual zahna leh lawmna chibai ka hlan a ni, a ti. Khuallian chuan Mizo Academy of Letters member-te chu Diamond Jubilee pual lawmpuina leh duhsakna hlanin, Mizo thu leh hla chawi nun leh tihhmasawnna kawnga an hmalakna chu Art & Culture Minister a nihna ang pawhin a thlawp tlat tur thu leh a sawi bawk.
Minister hian Jubilee pual lehkhabu leh lehkhabu dang mi 4 ziah a tlangzarh a, Jubilee puala thu leh hla inziahsiak (poetry, article, essay leh short story) inziahsiaknaa lawmman a sem nghal bawk. MAL Diamond Jubilee puala thu leh hla inziahsiak lawmman dawngtute chu a hnuaia tar lan ang hi a ni:
- POETRY/HLA
| Sl No | Ziaktu | Thupui |
|---|---|---|
| 1 | Lalhlimpuia, Tahan, Myanmar | Thu leh Hla Hlutna |
| 2 | Jonathan Lalhriatrenga | Hringnun |
| 3 | C. Sangthanga, Salem Veng, Lunglei | Zoram Mawina |
| Benry Lalfakzuala | Hmangaihna | |
| TC Jonunsanga | Hringnun | |
| R. Lallawmsanga, College Veng | Hmangaihna | |
| James Sangpuia | Thu leh Hla Hlutna | |
| Lalduhawma, Chhinga Veng | Hringnun |
2. ESSAY
| Sl No | Ziaktu | Thupui |
|---|---|---|
| 1 | Dr. C. Lalengkima, Vaivakawn | Mizo Hnam Nunphung leh Kristianna |
| 2 | Zothanmawia, Electric Veng | Hmasawnna leh Zofate |
| 3 | H. Lalawmpuia, Republic Veng | Mizo Hnam Nunphung leh Kristianna |
| Hmingthanzuala | Hmasawnna leh Zofate | |
| HL Chalbuanga, Durtlang Leitan | Min Hualveltu Humhalh | |
| K. Hmingthanfala, Serchhip | Mizo Hnam Nunphung leh Kristianna | |
| Remruatkima (Mama Khiangte) | Mizo Hnam Nunphung leh Kristianna | |
| R. Lallawmsanga, College Veng | Min Hualveltu Humhalh |
3. LEMCHAN TAWI
| Sl No | Ziaktu | Thupui |
|---|---|---|
| 1 | F. Lalnunhlima, Phunchawng | El Nino |
| 2 | R. Malsawmthanga, Rengdil | Phuntiha |
| 3 | Hruaia Lalbawm, Salem Veng | Lalnunnemi |
| Laltlanmawia (Matlana Vuite) | Room No. 609 | |
| Lalfakpuii Jongte | Ser Nung | |
| Zodintluangi, Kanan Veng | Mahni Hnuk Chhat | |
| K. Zalawma, Kolasib Vengthar | Khawiah Nge Ka Pa? | |
| Zothanmawia, Electric Veng | Time Machine |
4. THAWNTHU TAWI
| Sl No | Ziaktu | Thupui |
|---|---|---|
| 1 | Hruaia Lalbawm, Salem Veng | Thlan Khawhar |
| 2 | R. Malsawmthanga, Rengdil | Mi Chanve |
| 3 | JH Lalrinzuala, Saitual Venglai | Lehkha Ip |
| LT Muana, Champhai Zotlang | April 18 | |
| C. Lalhunmawia, Ramthar North | Mizo Veng | |
| Laltluangpuia | A Rel Sual Ngai Lo | |
| R. Nelsona, Mission Veng | Khaw Ar Hmai Tia Lek | |
| R. Lalhunthara | Rintlak leh Rinngami |
Jubilee lawmna hun hi Chawhma Inkhawm leh Chawhnu Inkhawm-a thenin, Chawhma Inkhawm hi Prof. RL. Thanmawia, President, Mizo Academy of Letters, General Headquarters chuan kaihruaiin, Rev. Dr. Zaihmingthanga, MAL Member chuan hunserh a hmang a. Prof. Rualkhuma Colney, Vice President-in kalkhawmte lawmna thu a sawi. Dr. Zoramdinthara, General Secretary leh NI. Lalsangpuii, Treasurer -ten kum kal ta kum khat chhunga MAL hmalakna leh sum hman dan report an pe a. Pu F. Vanlalrochana, Secretary, Chhuahtu leh Tlangau Committee chuan Power Point Presentation hmangin kum 60 chhunga MAL zinkawng chanchin a entir. Prof. Laltluangliana Khiangte, Donor Member, MAL chuan Jubilee Hlado a chham a, Dr. C. Lalawmpuia Vanchiau chuan Jubilee lehkhabu thlirlawkna hun hmangin, chawhma inkhawmah hian MAL member 6 sunna leh hruaitu hlui chawimawina hun pawh hman a ni a. Pu Lalhmingmawia Ralte, Fin. Secretary, MAL chuan lawmthu sawiin chawhma hun a titawp a ni.
Chawhnu inkhawm hi Prof. Rualkhuma Colney, Vice President, MAL chuan kaihhruaiin Jubilee chibai bukna hi Pu Lalzuia Colney leh Pu B. Lalthangliana ten an hmang. Hemi hnu hian ziaktute kawmna hun neih a ni a. A hmasa zawkah hian Dr. R. Zothanliana, EC Member, MAL kaihhruaiin B. Lalhriattira, Lalhriata, H. Lalngurliani, TC Jonunsanga, Samson Thanruma, Dr. Chawngkhuma Chawngthu leh C. Lalhmingmawia (Mus-a) te kawmna hun hman a ni a. Hemi hnuah Dr. H. Laldinmawia, Asst. General Secretary, MAL kaihhruaiin thangthar ziak mi pariat — Rodingpuii (rdp), Vanlalhmangaihi (Ahmangaihi), Olivia Remsangpuii, Ruth Khawlhring, Lalvensangi, K. Lalchhuansangi, VL Muanpuia Chawngthu leh JH Lalrinzuala te kawmna hun neih a ni. Hemi hnu hian Jubilee ruai kil ho a ni bawk.
0 Comments